Seumapa

Seumapa

Seumapa adalah ungkapan saling menyapa dalam masyarakat Aceh antara satu pihak dengan pihak lain yang dilakukan pada sebuah acara adat perkawinan, terutama pada saat “Intat Linto” atau lebih dikenal mengantar pengantin laki-laki. Ungkapan seumapa biasanya seumapa biasanya adalah saling memberi salam, dan bertukar informasi, antara pihak linto baro (pengantin lalki-laki) dengan pihak dara baro (pengantin perempuan). Prosesi seumapa dilakukan saling berharapan dengan berbalas pantun, seakan-akan terjadi perang mulut dengan bahasa bersajak, kocak, lucu dan indah didengar. Tokoh yang tampil dalam seumapa ini tentu saja orang yang khusus dan bijak dalam mengeluarkan kata-kata dan pribahasa.

1. Blah Lintô   Assalamu׳alaikum saleuem ulôn bi  Ngon haté suci hormat mulia Keu ureueng sinoe hormat kamoe bi Keuchik ngon waki Imum seureuta   Kamoe trôh teuka kareuna janji Lintô nyang tari uroe nyoe meuba Geuchik Tgk Imum mandum famili Ayah ngon umi dan aneuk muda   Jak  intat lintô  bak  judô  tari Bèk sampé sangsi, janji meutuka Hukôm agama kalheuh ka resmi Uroe nyoe akhi adat bak dônya Bungong sikumtom harom bee wangi Indah meuriti lam taman raja Neu kalon linto baro ganteng han sakri Oh tapeurati sang artis india   Ranup kunèng ôn meususôn rapi Tawô bak giri bak lampôh tuha Teuma oh te trok keuno ka laen that hi Pakon han neubi tamong ngon sigra Peuna masalah hingga neu sangsi Ayah ngon umi neupeudong diluwa Peu kajeut meutamong mandum family Sayang kak beti reuoh2 ka lam aneuk mata Oh no keuh dile saleum ulon bi Lon pulang kembali kiban bak gata

2.  Blah Dara Barô   'Alaikumsalam warah matullah Jamèe trôh langkah bak teumpat kamoe Hormat mulia ka trôh neulangkah Lintô nyang ceudah neuba uroe nyoe   Ureueng tuha gampông mandum ka jeulah Geuchik imum menasah dan kawôm binoe  Pemuda tokoh adat masyarakat dum sah Bandum meuriah prèh lintô uroe nyoe   Yôh bunoe jurông langsông yue peuhah Keuneuk meulangkah dalam meuligoe Lintô nyang neuba nyan citka leumah Seunang meuleupah jéh pat cut putroe Kamoe disino tgk meutuwah Adat meu papah rata jeut sagoe Oh trok linto baro bak judo yg sah Saba beuluwah adun ngen adoe Na pertayaan bacut neupeuglah 3 boh masalah nibak uroe nyo Oh lheuh neujaweub baro jeut langkah Nyoe han jeut peuglah bah inan lam uroe   Bungöng meulati tari si ulah Cukôp that ceudah takalon bagoe Pakon ka teulat meuhat trôh langkah Peue na musibah bak neujak keunoe..?   Sabab meujanji si teungoh siblah Όh trôh neulangkah karap cot uroe Kamoe kabeuno ka masak kuwah Lagee nyan ulah ek mangat asoe?

 

 

 

 

 

 

 

 

3. Blah Lintô  Di ateueh bak-u  di meusu tupè  Ateueh bak jambe  aneuk cempala Meuꞌah beuneubi janji meugèsè Buet ramè ramè maklum syédara   Buet Intat Lintô cit le rameunè Όh kana sangè payông kahana Kaleungkap idang ranub tan geumè Όh trôh bak keudè katuwo nyak wa   Geuchik ngon teungku atô hana rè Barang nyang geumè kasiap leungka Moto ba idang geureudang meugèsè Jak ba bak bengkee tan ureueng keurija   Syédara lintô le deungon ramè Dari lhôk seumawè na dari jawa Katrôh abang syat teulat bang maꞌè Atô ureueng ramè payah lagoe na   Di ateueh bak-u karu leupah that. Tupè riyôh that keunong geulawa. Meulakèe meu׳ah meulangkah teulat. Nyang peunténg that that keunoe kateuka Peukara kuwah masak hanpeu meukarat Jeut kamoe takat cit deuk lagoe na Asai na izin bak dron poe tempat Sang nyo ka teupat jawaban kana Peu idin laju tamong udalam Meuhan linto yg tampan bah kamoe peugisa.

4. Blah Dara Barô   Ranup sigapu jampu ngon gambé Tabôh lam baté peujamèe rakan Kamoe teumanyöng kon laén haté Meuꞌah beuneubré keu kamoe rakan   Blang jalan layang  geupula padé Oh supot sare takalon sinan Linto neu intat got that meu hasé Ngon ranub baté kuwéh lam talam   Bôh peue neujak ba ka lé bukon lé  Sang hana meukré meukalon meunan Peunuwoe lintô meu atô saré Cukôp that hasé rombongan bisan   Idang nyang meutôp hayeu bukon le Meuꞌah beuneubré lôn tanyöng hai nyan Asoe di dalam nyan peue kahasé Tan meutuka lé janji uroe nyan Sebab lon kalon sang hana oke Lagee hie tan meusampe meu asoe pih tan Sebab geupareksa tgk bohate Bacut lon sinde bek male ngon maktuan   Janji ba puha masa seulangké Beusiap hasé peunuwoe lintô nyan Meunyo goh leungkap meuhat goh hasé Adak beu ule gle payah neuriwang

 

5. Blah Lintô  Tajak meulaboh piyôh di calang Tajak umatang piyôh peudada Neutanyöng bak kamoe nyan asoe hidang Leungkap hai cut bang keunoe kamoe ba   Keukarah wajéb séb dalam hidang Peunuwoe cut bang han peue paréksa Hana meutuka haba uroe nyan Adat ngon reusam got that meujaga   Janji ba peuha hana meu irang Nyang kamoe julang leungkap dum rata Meunan cit laén seunalén cut Intan Trok ija seulendang siap seudia Ranup lam baté meu uké sulam. Asoe lam talam meu atô banja. Linto jak keunoe woe bak pasangan. Kon malèe ngon tuan nyo tan sapuna Memang phui that oh wate neupandang Asoe didalam meu ploh2 juta Nacit meuba keuno e tgk sampee Trok bak kuweh adee khas pidie jaya   Peue lom nak tanyöng laju lom rijang Bèk trép neuhadang dalam uroe kha Kalaén that hi bak dali sang sang Kalagèe meuprang seumapa

6. Blah Dara Barô   Ateueh bak ara aneuk beuragoe Ateueh bak panjoe tulô meu dôda Ulôn teumanyöng hai bisan saknyoe Haba ta meuproe keu gura gura   Kruseumangat hajat ka sampoe Nibak uroe nyoe lintô kateuka Seunang that haté kamoe di sinoe Judô cut putroe ceudah lagoina   Ateueh bak tarok Toktok Beuragoe Ateueh bak Panjoe beurijuek subra Meu׳ah hai bisan keu lôn tuan nyoe Ubak Lintô tanyoe napeue pareksa   Peue ka muphom dum rukon manoe Teungku Lintô nyoe ètna sikula Peue na geujak beuet Tauhid ngon jawoe Ngon do׳a manoe kamuphom cara..?   Nyo goh lom muphom mandum meurunoe Sajan  cut  putroe  payah  tatunda Neujaweub rijang hai bisan jinoe Mangat di kamoe jurông meubuka…

 

7. Blah Lintô   Ticém tiwah ateueh bak nibông Ateueh bak rambông aneuk leuek meusu Teungku seumapa sangka meu ujông Haba meusigông hana lé lucu   Aneuk ticém glé dalam glé beutông. Di lumpat lutông ateueh bak tampu Lheueh tanyöng istana ka tanyöng geudông Lheueh tanyöng dalông ka tanyöng krabu   Teungku lintô geujak beut lambông Kon sigam bakông jak wèt wèt iku Ureueng sosial na tulông mulông Meunyo di gampông bhah agama guru    Dônya akhirat cit got that muphôm Nyo bidang hukôm SH hai teungku Sidroe pejaka bèk sangka seken Alah hai polôn pikiban ayu   Peukajeuet bisan keunan meutamöng Han ék lé meudong tarék urat thu Meunyo bit mantong bisan teumanyong Agam ngon inong meugisa laju…..+

8. Blah dara Barô   Kruseumangat rahmat bak Tuhan Kajeut hai Bisan neutamong sigra Lintô nyang muda seureta rombongan Tamong udalam jamèe nyang teuka   Meu׳ah ulôn nyoe bunoe meukalam Kamacam macam ulôn paréksa Ulôn nyoe tugah wakilah bisan Adat ngon reusam ulôn laksana   Tatuka payông langsông peukeumang Po Lintô seudang iréng bersama Ho Nèk Peuganjô jak tueng lé rijang Ngon haté seunang tapeumulia   Cok ranub baté tuka lé rijang Raja jeunulang tamöng astana Sallu׳alé haté dum seunang Teurimong Idang ubéna neuba.   Bungöng ie mawö si tangké keumang. Ceudah tapandang hiasan mata. Tamong e lintô laju beurijang. Yup payông keumang sebagoe raja….+

9. Blah lintô   Tajak keumawé hasé di laôt (pergi mincing ikan hasil dilaut) Tamita eungkôt ubit ngon raya (kita cari ikan kecil dan besar) Kamoe nyang teuka nyo ka neusambôt Pat haba karôt meuꞌah beutaya   Ateueh tuwalang sipasang gôt gôt Ateueh bak Rambôt aneuk cempala Bisan jak dikeue kamoe dilikôt Meunan nyang patôt kheun ureueng tuha   Alham dulillah bagah lôn seu-ôt Narit meusambôt tanyoe peumada Tameu׳ah désya pat pat na karôt Dikeue ngon likôt bèk jeuet keucupa   Timang ateueh droe jaroe meubeu-ôt Irang ngon irôt bak kamoe teuka Nyo kureung sopan kadang meudhôt dhôt Kiban nyang patôt tapeusampurna.   -0-

10.  Blah Dara Barô   Alham dulillah Allah tapujoe Nyang po alam nyoe bandum semua Kamoe trôh langkah kasah uroe nyoe Ubak cut putroe linto tajak ba   Meuꞌah hai rakan keupada kamoe Kadang cit bunoe na gasa haba Meuah meumeuꞌah bandum geutanyoe Mago uroe nyoe beujeut syédara   Adat bak Po teumeuruehom Hukom bak syiah kuala Qanun bak putroe phang  Reusam bak lakseumana   Adat ngon hukom cit ka seuleusoe Nibak uroe nyoe ka tapeulara Assalamualaikum saleuem bak kamoe Sambot rakan droe peunoh mulia